南丫島壁畫 義字閒遊 2020.12.22至12.23 今次去到南丫島榕樹下村畫壁畫，主題係保育海洋生態。 呢個意念源自於海洋生物被人類日益剝奪生存空間嘅現象，作品希望得到路經嘅途人對於保育嘅支持，思考海洋生態保育嘅意義，甚至希望可以藉此喚醒政府同企業對於環境保育嘅重視，從而作出改變。 唔單止海洋生物，其實任何生物都值得我哋去關心同愛護。地球只得一個，我哋每個人都有義務去珍惜同守護呢個環境。
